|
I dedicate this arduous presentation to my eldest niece Vyshnavi Krishna,a pet of almost all our families, who unfortunately died in a fatal road accident at Hyderabad on 02-03-2012,Friday , at a tender age of 19 as a promising singer both in classical and popular genries of music .
అయి! వైష్ణవి! నిర్గతా క్షణాత్!
జాతే! వైష్ణవి! కింవదామి మమ దుర్భాగ్యం ? హతా త్వం మయా,
సుమనోహర గాననైపుణీమ్,
తాతస్త్వాం తవ మాతులస్య నిలయే విశ్వాసతో న్యస్తవాన్,
అవికచ కుసుమం త్వం, జీర్ణ పర్ణోపమో2 హం, స్ఫుటమధిగమనీయా2 ప్యావయో రానుపూర్వీ, త్వమసి ఖలు గృహీతా మృత్యునా మాంవిహాయ ! క్రమవిధిషు విచిత్రక్రూరమార్గో హి కాల:
ఏకోనవింశతిసమా: అసమాన గానే- నాహ్లాద్య హృద్యమధురేణ జనాన్ సమస్తాన్, యాతా హి వైష్ణవి! విహాయ తవ ప్రియాన్ న: , స్వప్నోత్థితా ఇవ వయం చకితా విషణ్ణా:
వత్సే! స్మరామి తవ బాల్యవిచేష్టితాని యాని ప్రమోదజననాన్యభవన్ పురా మే, అద్య త్వయి ప్రబల కాలగతేర్గతాయామ్, తాన్యేవ హంత జనయంతి నితాంత తాపమ్.
శవాగారే నానా శవనికర మధ్యస్థ ఫలకే శరీరం తే దృష్ట్వా సపది హృదయం స్తబ్ధ ఇవ మే , శయానా స్వైరం యా మృదుతలిమవ చ్ఛీతలగృహే స్వకే, సాప్యద్యైవం కథ మిహ బతేత్యుత్కట శుచా.
నభస్తారాహీనం, సరిదసలిలా, రాత్రిరవిధు:, మయూరో నిష్పింఛో , వన మపిక, మాస్యం వినయనమ్; అపుత్రం దాంపత్యం, సురుచిరగృహం దీపరహితమ్, త్వయా హీనానాం న: శకలితహృదాం వృత్తిరధునా.
దృష్ట్వా2పి త్వాం హతామగ్రే దగ్ధ ప్రాణ దిధీర్షయా ; యత్పిబామి యదశ్నామి తత్ తత్ త్వద్రక్తమాంసవత్ .
ద్విచక్రికాచోదనసాధనాది దుర్బోధపాఠార్థవిమర్శనాది, త్వయా పురా కారిత, మద్య తన్మే కథైకశేషం ఖలు! కాలదౌష్ట్యాత్ !
దూయే నిరంతర హృదంతర వర్ధమాన దు:ఖాగ్నినా, జలనిధిర్బడబాగ్నినేవ, న ప్రాణహృత్, నచ తనుర్హృ దిదం తు దు:ఖమ్, చిత్తైకదాహి; న హి శామ్యతి జీవతో మే .
త్వాదృ గ్దుర్లభ తనయాం కదాపి పిత్రో: , ఆబాల్యం నిజతనయామివానులాల్య, క్షిప్త్వా నిష్కరుణ మకాలమృత్యువక్త్రే, కో నామ ప్రభవతి జీవితుం మదన్య:
హైమారంభం యశోదాంతం, చికిత్సాలయయోర్ద్వయో: ; అపూర్ణం జీవితం తే2భూత్ ప్రారబ్ధత్యక్తకావ్యవత్ .
జానామి నశ్వరమిదం జగదేవ సర్వం, జ్ఞాత్వాపి వత్సలతయా విలపామ్యనీశ: . మోహో లవిత్ర మివ బుద్ధిలతాం ఛినత్తి, కాలేన తత్ప్రశమనం, న తు మత్ప్రయత్నాత్.
తత్వజ్ఞాన శ్రీనిధి శ్శోకనోది , వ్యాసప్రోక్తం యన్మహాభారతాఖ్యం, సాంగోపాంగం తస్య చాంగ్లానువాదం త్వత్స్మృత్యర్థం కర్తుమిచ్ఛామ్యపూర్వం .
ఖరఫాల్గున సిత నవమీ మృగశీర్షక శుక్రవాసరప్రాహ్ణే , స్వస్రీయీ న: ప్రథమా నిధి రివ చోరేణ మృత్యునాపహృతా.
IN MEMORY OF VYSHNAVI
En Memorium
కలయంతీ మమ నిత్య హృద్వ్యథామ్,
జననీ జనక స్స్వసా చ తే,
కథమేతాంశుచ మంబ! బిభ్రతి!
త్వామాబాల్య మహం ప్రవర్ధ్య, వదనే మృత్యో స్స్వయం వ్యక్షిపమ్;
మామేత్యార్తరవం శ్రుతాశ్రుతపదం దుర్వారయా బాధయా
కుర్వత్ త్వద్వదనం స్ఫుటం నయనయో రద్యా2పి మే లంబతే .
జనసమ్మోహన కణ్ఠమాధురీమ్,
స్మిత ముద్రిత మాననం చ తే
మమ విస్మర్తు మనీశ్వరం మన:
సాక్షాన్మాతుల ఏవ హంత! సమభూత్ త్వత్ప్రాణ నిర్వాపణ:
నిత్యత్వత్స్మరణానుభావదహనై ర్దందహ్యమానాత్మనా
జీవిష్యామి వృథా ధృతై రవిగతై: ప్రాణై శ్చలత్ప్రేతవత్
"After praying to Naaraayana, Nara, Sarasvathi and Vyaasa, then one should read the Jayam."
DEDICATED TO MY DEAR NIECE VYSHNAVI KRISHNA